شركة تخزين اثاث بالرياض
تنقل بيتك؟ تجدّد؟ أو المكان ضاق عليك؟ نوصّل لك وحدة تخزين لباب بيتك في الرياض، تعبّي فيها أثاثك وعفشك على راحتك، وتقفلها بالقفل المجاني اللي نعطيك إياه أو بقفلك.
تخزين الأثاث في الرياض عند وي كيب يبدأ من 599 ريال بالشهر قبل الضريبة للوحدة الصغيرة، و899 للمتوسطة، و1,289 للكبيرة. أول توصيل وأول استلام مجاناً، والوحدة ما تُفرَّغ إلا عندك.
- 4.9 على Google
- أكثر من 150 تقييم
- مؤمَّن
- المفتاح الوحيد معك
طريقة عملنا
كيف تخزّن أثاثك وعفشك في الرياض مع وي كيب: نوصّل، تعبّي، نخزّن
نوصّل الوحدة لبابك
اطلب وحدة وي كيب ونوصّلها لباب بيتك في الرياض. على مستوى الأرض، بدون أي ترتيبات خاصة من جهتك.
تعبّيها وتقفلها
خذ وقتك، ساعة أو يومين. عبّي أغراضك بنفسك، أو خلّ فريقنا يغلّف وينقل لك. تقفلها بالقفل المجاني اللي نعطيك إياه أو بقفلك، والمفتاح يبقى معك وحدك.
نستلمها ونخزّنها
نرجع نستلم الوحدة ونخزّنها مقفلة في منشأتنا. أو تبقى عندك في موقعك إذا تفضّل.
الوحدات
شوف وحدة تخزين العفش قبل ما تحجز
الأحجام
أي حجم يناسب عفش بيتك في الرياض
أكثر سؤال يوصلنا. هذي أقرب مقارنة عملية، ولو ما تعرف احسبها في حاسبة المساحة.
قبل يوم التحميل
تجهيز العفش قبل التخزين في الرياض: قائمة سريعة
حر الرياض وغبارها ما يوصلون لعفشك داخل وحدة وي كيب المعزولة المقفلة، لكن تجهيز الأثاث صح قبل التخزين يفرق وقت ما يرجع لك:
- فكّ السراير والدواليب والطاولات الكبيرة، وحط البراغي في كيس مكتوب عليه اسم القطعة ولزّقه فيها.
- غلّف الكنب والمراتب بأغطية أو بلاستيك، والزجاج والشاشات والمرايا بالبابل راب.
- الثلاجة والغسالة: فرّغها ونظّفها ونشّفها كويس قبل التحميل، لأن أي شي ينحط في الوحدة لازم يكون جاف.
- الثقيل تحت والخفيف فوق، والوحدة تتحمل إلى 1,500 كجم.
- اكتب على كل كرتون من جهتين: الغرفة ووش فيه، وحط اللي تحتاجه أول قدام عند الباب.
ما عندك وقت؟ فريق وي كيب في الرياض يفكّ ويغلّف ويحمّل عنك، والسعر حسب كمية العفش، ومستلزمات التغليف توصلك مع الوحدة.
الأسعار
أسعار تخزين الأثاث بالرياض
تخزين الأثاث والعفش عند وي كيب في الرياض بالشهر: 599 ريال للصغيرة، 899 للمتوسطة، 1,289 للكبيرة، والمكيّفة 1,999، قبل الضريبة. أول توصيل وأول استلام مجاناً، وبدون رسوم تأسيس.
| الحجم | يناسب | السعر شهرياً |
|---|---|---|
| صغيرة، 2.4 × 1.5 × 2.35 م | غرفة وحدة أو أثاث استوديو | 599 ريال |
| متوسطة، 3.6 × 1.5 × 2.35 م | شقة غرفتين | 899 ريال |
| كبيرة، 3.6 × 2.4 × 2.5 م | شقة ثلاث غرف، أو جزء من فيلا | 1,289 ريال |
| مكيّفة 18–28°، بمقاس الكبيرة | خشب فاخر، جلود، آلات موسيقية، لوحات | 1,999 ريال |
| مبرّدة 0–20°، بمقاس الكبيرة | مواد تحتاج تبريد مستمر | 5,999 ريال |
| تجميد تحت الصفر، بمقاس الكبيرة | مواد مجمّدة | 6,999 ريال |
خصم على المدة 3 أشهر خصم 10٪ · 6 أشهر 20٪ · 12 شهر 30٪، والدفع يبقى شهري بدون دفع مقدّم. يُحسب تلقائياً عند الحجز. أي مشوار إضافي خلال فترة التخزين، نوصّل فيه الوحدة ونرجع نستلمها، بـ 99 ريال قبل الضريبة. الأسعار غير شاملة ضريبة القيمة المضافة.
آراء العملاء
آراء عملائنا في الرياض: 4.9 على Google
تجربة مميزة وفكرة رائعة، حلت مشكلة التخزين عندي، مناسبة لتخزين الأثاث والمنتجات الخاصة بالأعمال التجارية. وشكراً الصراحة على دقة المواعيد وفكرة تسليم الحاوية واستلامها.
كان حريص معنا في تنزيل الأغراض حتى ان تم تسليم المفاتيح للحاوية. الصراحة الشركة جبارة جدا وتعامل اكثر من رائع…
خدمة عملاء رائعة، طلبت حاوية ووصلتني اقل من 24 ساعه
خدمة رائعة في الاستلام والتغليف بعناية
ممتازين والأسعار مناسبة بالنسبة للسوق.. محترفين وسريعين في الرد
…على تعاملهم الراقي وخدمتهم المميزة. ما قصروا وكانوا في قمة الاحترام والتعاون.
نقل وتخزين
نقل عفش وتخزين بالرياض في نفس العملية
أغلب اللي يدوّر على تخزين أثاث أو تخزين عفش في الرياض يكون في نص عملية نقل. وي كيب تغطي الطرفين، فما تتعامل مع شركتين: نقل العفش، والفك والتغليف إذا تبي، والتخزين.
إذا كنت تنتقل من بيت لبيت والجديد ما جهز بعد، الترتيب المعتاد: نوصّل الوحدة، تعبّي أثاثك، نخزّنه المدة اللي تحتاجها، ثم نوصّله للعنوان الجديد. تدفع تخزين شهري، بدل رحلتين نقل منفصلتين.
وهذا يفرق بالذات في الرياض. الفترة بين تسليم بيت واستلام الثاني ممكن تطول أسابيع.
مستودعات التخزين
مستودعات تخزين اثاث بالرياض: وش الفرق عن وحدة وي كيب؟
أغلب شركات تخزين الأثاث في الرياض تنقل عفشك لمستودع كبير، تفرّغه هناك، وترصّه جنب أغراض غيرك، ثم تحمّله مرة ثانية يوم ترجّعه. وكل تحميل وتفريغ فرصة لخدش أو كسر.
في وي كيب الوحدة اللي توصل لبابك هي نفسها اللي تتخزّن. تعبّيها مرة وحدة، تقفلها بقفلك، ونخزّنها مقفلة في منشأتنا في حي طويق غرب الرياض، وما تنفتح إلا لما ترجع لك. ما أحد يلمس عفشك بين التحميل والتسليم.
ولو تبي تزور أغراضك، الزيارة بموعد خلال ساعات العمل، أو نوصّل لك الوحدة للبيت ونرجع نستلمها بـ 99 ريال قبل الضريبة للمشوار كامل.
قبل ما تختار
كيف تختار أفضل شركة تخزين اثاث بالرياض
خمس أسئلة اسألها لأي شركة تخزين عفش قبل ما توقّع، وهذي أجوبة وي كيب عليها.
هل توصّل الوحدة لبابك؟
بعض الشركات تبيك تنقل العفش بنفسك أو تدفع نقل منفصل. وي كيب توصّل الوحدة لبيتك في الرياض، وأول توصيل وأول استلام مجاناً.
هل عفشك يتفرّغ في مستودع مشترك؟
اسأل كم مرة ينحمل عفشك وينزل. في وي كيب تحمّله مرة وحدة في وحدتك، وما يتفرّغ إلا عندك.
مين معه المفتاح؟
في وي كيب القفل قفلك والمفتاح معك وحدك، والوحدة ما تنفتح إلا بحضورك.
وش الداخل في السعر؟
السعر الشهري في وي كيب يشمل الوحدة وأول توصيل وأول استلام والتخزين في منشأة مراقبة، والأغراض مؤمّنة وهي عندنا. الفك والتغليف خدمة إضافية إذا تحتاجها.
هل فيه وحدات مكيّفة لصيف الرياض؟
الوحدات العادية معزولة وتبقى تحت 29 مئوية صيفاً، وهذا يكفي للأثاث العادي. للخشب الفاخر والجلد الطبيعي فيه وحدات مكيّفة 18–28 مئوية.
المقارنة
مستودع تخزين عفش تقليدي ولا وحدة وي كيب؟
المستودع التقليدي
تستأجر شاحنة، تحمّل، تنقل، تفرّغ، ثم تكرّر كل شي عند الاسترجاع. وكل مرة تحتاج شي، تسوق للمستودع وتلتزم بدوامه.
وحدة وي كيب
تحميل واحد أمام بيتك. لا شاحنة تستأجرها، ولا دوام مستودع تلتزم فيه، والمفتاح معك وحدك.
الموقع
وين منشأة تخزين الأثاث في الرياض
منشأة وي كيب في حي طويق غرب الرياض، ونوصّل لكل أحياء الرياض، من الملقا والنرجس إلى الروضة والعارض. التوصيل والاستلام لبابك، فما تحتاج تجي إلا إذا تبي تزور أغراضك، والزيارة بموعد خلال ساعات العمل.
وي كيب الرياض
7873 شارع خلف بن سعيد، حي طويق، الرياض 13795
من 8 صباحاً إلى 10 مساءً من الأحد إلى الخميس، ومن 9 صباحاً إلى 10 مساءً يوم السبت
افتح في خرائط جوجلوي كيب باختصار
- من نحن
- وي كيب هي العلامة التجارية لشركة التخزين المؤقت المطور للنقل والتخزين، شركة مساهمة مغلقة سعودية، سجل تجاري 4030570674، تأسست 2020.
- وش نقدّم
- تخزين ذاتي متنقل، الوحدة اللي نوصّلها لك هي نفسها اللي تُخزَّن. تعبّيها مرة وحدة، وما تُفرَّغ إلا لما ترجع لك.
- وين
- الرياض وجدة. منشأة الرياض: 7873 شارع خلف بن سعيد، حي طويق.
- لمن
- الأفراد اللي ينقلون أو يرمّمون أو ضاقت بهم المساحة، والشركات اللي تخزّن مخزون أو مستندات أو معدات.
- الحماية
- كل وحدة معزولة (تحت 29 مئوية صيفاً)، مقاومة للطقس، مغلقة ضد الغبار والحشرات؛ في منشآتنا تحت كاميرات 24/7 وحراسة وكشف حريق، والأغراض مؤمّنة وهي عندنا، ونوفّر تغطية تأمين إضافية للقطع الثمينة عند الطلب.
- التوصيل
- أول توصيل وأول استلام مجاناً، وأي مشوار إضافي خلال فترة التخزين (توصيل واستلام) بـ 99 ريال قبل الضريبة.
- ساعات العمل
- من 8 صباحاً إلى 10 مساءً من الأحد إلى الخميس، ومن 9 صباحاً إلى 10 مساءً يوم السبت.
الأسئلة الشائعة
أكثر الأسئلة اللي توصلنا
ما هي أفضل شركة لتخزين الأثاث في الرياض؟
ما هي أسعار تخزين الأثاث في الرياض؟
كم سعر تخزين عفش شقة أو فيلا؟
تبحث عن مستودعات تخزين اثاث بالرياض؟
هل التوصيل والاستلام مجاناً؟
هل تفكّون العفش وتغلّفونه؟
أقدر أوصل لعفشي في أي وقت؟
هل الأثاث والعفش مؤمَّن؟
هل حر الرياض يحتاج وحدة مكيّفة؟
كم أقل مدة تخزين؟
احجز وحدتك في جدة أو الرياض، من 599 ريال بالشهر
احصل على مساحة التخزين المناسبة اليوم.